Tuesday, June 16, 2009

თბილისის მოსახლეობა

თბილისი ყოველთვის გამოირჩეოდა მრავალეროვანი მოსახლეობით. საუკუნეების განმავლობაში დედაქალაქში მცხოვრები ეთნიკური უმცირესობები ქართველების გვერდით მშვიდობით თანარსებობდნენ. მათი სოციალური და რელიგიური უფლებები არასოდეს დარღვეულა. თბილისის თითოეულ მოქალაქეს ,,ეროვნება თბილისელი” აერთიანებდა, რამაც დედაქალაქის განსაკუთრებული, სინთეტური და მკაფიოდ ინდივიდუალური კულტურის წარმოშობა-ჩამოყალიბებას შეუწყო ხელი.
დღესდღეობით, თბილისის მოსახლეობა 1, 106 700 ადამიანს შეადგენს. ამათგან უმრავლესობას – 80% ქართველები წარმოადგენენ. ეთნიკური უმცირესობის 20% - ში სომხები, აზერბაიჯანელები, რუსები და ოსები დომინირებენ, შედარებით მცირე რაოდენობას შეადგენენ ბერძნები, ებრაელები, ქურთები, იეზიდები და აისორები.თბილისის ეთნიკური მრავალფეროვნება ბუნებრივია სხვადასხვა აღმსარებლობის მქონე საზოგადოებას წარმოშობს. საქართველოში IV საუკუნიდან მოყოლებული ოფიციალურ რელიგიად მართლმადიდებლობაა აღიარებული. სწორედ მას მისდევს ქვეყნის მოსახლეობის უდიდესი ნაწილი. თბილისში ეს მაჩვენებელი 85% აღემატება. მოსახლეობის დაახლოებით 15% - ში გავრცელებულია ისლამი (აზერბაიჯანელებში), კათოლიციზმი და გრიგორიანობა (სომხებში), ცეცხლთაყვანისმცემლობა (ქურთები და იეზიდები), იუდაიზმი (ებრაელებში). თბილისში შეხვდებით ბაპტისტებს, ლუთერანებს, კრიშნაიდებსა და სხვა აღმსარებლობის ადამიანებს.
აღსანიშნავია, რომ დედაქალაქის უძველესი მართლმადიდებლური ტაძრების გვერდით თანაარსებობენ კათოლიკური და გრიგორიანული სალოცავები, ასევე მოქმედი მეჩეთი და სინაგოგა./www.tbilisi.gov.ge

No comments:

Post a Comment